Pley-offun əksər iştirakçıları dəqiqləşib AVRO-2020

20 Noyabr 2019 10:58 (UTC+04:00)

AVRO-2020-nin final mərhələsində 20 vəsiqə seçmə oyunlarından sonra müəyyənləşib.

SİA-nın məlumatına görə, son 4 vəsiqə pley-offda sahibini tapacaq.

Bu mərhələdə gələn il martın 26-da yarımfinal, 31-də final matçları baş tutacaq. Yekunda 4 yol üzrə keçiriləcək pley-offun qalibləri bəlli olacaq. Artıq bu yerlərə iddia edən 16 yığma da bəllidir.

Lakin onlardan 4-ü arasında püşkatma olacaq. Bunlar Bolqarıstan, Macarıstan, İsrail və Rumıniya yığmalarıdır.

Bu komandalardan biri C yolu üzrə, üçü A yolu üzrə mübarizə aparacaq. Püşk İslandiya və Şotlandiyanın rəqibini müəyyənləşdirəcək, digər iki komanda öz aralarında oynayacaq.

A yolu
İslandiya – Bolqarıstan/Macarıstan/İsrail/Rumıniya
Bolqarıstan/Macarıstan/İsrail/Rumıniya - Bolqarıstan/Macarıstan/İsrail/Rumıniya

B yolu
Bosniya və Herseqovina – Şimali İrlandiya
Slovakiya – İrlandiya

C yolu
Şotlandiya – Bolqarıstan/Macarıstan/İsrail/Rumıniya
Norveç – Serbiya

D yolu
Gürcüstan – Belarus
Şimali Makedonya - Kosovo