"Milli kəlağayı sənətinin gənclər arasında təbliği” adlı təlim keçirilib

19 Noyabr 2019 17:03 (UTC+04:00)

13 noyabr 2019-cu il tarixdə 73 saylı tam orta məktəbdə Azərbaycan Respublikasının Gənclər Fondunun maliyyə dəstəyi və “Gələcək Naminə” vətəndaş cəmiyyətininin inkişafına dəstək ictimai birliyinin təşkilatçılığı ilə UNESCO-nun "Qeyri-maddi Mədəni İrs" siyahısına salınmış milli kəlağayı sənətinin gənclər arasında təbliği layihəsinin növbəti təlimi keçirilib. SİA-nın verdiyi məlumata görə, təlimdə UNESCO-nun "Qeyri-maddi Mədəni İrs" siyahısına salınmış milli kəlağayı sənətinin gənclər arasında təbliğiadlı layihənin təlimçisi Vüsal Ömərov, 73 saylı tam orta məktəbin müəllim heyəti və 50 nəfər şagird iştirak ediblər.

Çıxış edən UNESCO-nun "Qeyri-maddi Mədəni İrs" siyahısına salınmış milli kəlağayı sənətinin gənclər arasında təbliğiadlı layihənin təlimçisi Vüsal Ömərov layihənin əhəmiyyəti və məqsədi haqqında geniş məlumat verərək bildirdi ki, layihənin məqsədi Azərbaycan xalqının milli mədəniyyətinin və incəsənətinin əvəzsiz nümunələri olan xalçaçılıq sənətinin və kəlağayılarımızın yeniyetmə və gənclər arasında təbliğatını aparmaq, yeniyetmə və gənclərimizi xalçalarımızın və kəlağayılarımızın tarixi və bu günü haqqında maarifləndirməkdən və onların bu istiqamətdə fikir və biliklərinin daha formalaşaraq möhkəmlənməsi üçün rəsm və inşa müsabiqələri təşkil etməkdən ibarətdir. Təlimçi qeyd etdi ki, Milli mədəni irsimizin, adət-ənənələrimizin və xalq olaraq xüsusiyyətlərimizin əsas daşıyıcılarından biri olan xalçalarımızdan və kəlağayımızdan uzaqlaşmağa, onların tarixinə, bu günkü təbliğinə biganə yanaşmağa haqqımız yoxdur. Xalçalarımız və kəlağayımız milli dəyərlərimizdir. Bu gün ölkəmizdə bu milli dəyərlərimizin inkişafı və qorunması prioritet məsələ və vəzifədir. Dövlətimiz bu istiqamətdə görülən işlərə yüksək diqqət və qayğı göstərir. Eyni zamanda, Heydər Əliyev Fondu da bu sahədə çoxşaxəli fəaliyyət göstərib. Bunun nəticəsidir ki, 2010-cu ildə Azərbaycan xalçaları, 2014-cü ildə isə Azərbaycan kəlağayı sənəti “Kəlağayı simvolizmi və ənənəvi sənəti” adı ilə UNESCO-nun "Qeyri-maddi Mədəni İrs" siyahısına salınmışdır.

Sonra təlimçi tərəfindən şagirdləri maraqlandıran suallar cavablandırılıb.

Sonda təlimdə fəal iştirak edən bir qrup şagird “Gələcək Naminə” vətəndaş cəmiyyətininin inkişafına dəstək ictimai birliyi tərəfindən hazırlanmış sertifikatlar ilə təltif olunublar.