Ukrayna polisi Premyer Liqanın 14-cü turunda keçirilmiş "Şaxtyor" - "Dinamo" oyunundakı qalmaqaldan sonra cinayət işi qaldırıb. Qol.az-ın məlumatına görə, iş "Vətəndaşların bərabər hüquqlarının pozulması" maddəsi ilə açılıb. Görüşün 74-cü dəqiqəsində "Şaxtyor"un futbolçusu Tayson azarkeşlərin şüarlarından sonra onlara orta barmağını göstərib və topu kənara vurub.
Qeyd edək ki, Xarkovdakı "Metallist" stadionunda keçirilmiş qarşılaşma Şaxtyor"un 1:0 hesablı qələbəsi ilə yekunlaşıb. Oyundan sonra Donetsk təmsilçisi irqçilik, irqi ayrıseçkilik və ksenofobiyanı pisləyən bəyanat yayıb.