Notr-Dam ayağa qalxır

16 Oktyabr 2019 14:17 (UTC+04:00)

Fransanın paytaxtı Parisin simvolik abidələrindən biri olan və aprel ayında baş verən yanğında ciddi ziyan görən Parisin Notr-Dam kilsəsində təmir işləri davam edir.

SİA-nın “Hürriyət”ə istinadən verdiyi xəbərə görə, rəsmi şəxslər tamamilə yanan və əriyən çardağın qısa müddətdə yenilənəcəyini və təmir işlərinin sürətləndiriləcəyini bildiriblər. Xatırladaq ki, Notr-Dam 1137-1180-ci illər arasında hökmranlıq edən Kral VII Lüdovikin əmri ilə Parisin siyasi, iqtisadi və mədəni gücünü dünyaya göstərmək üçün inşa edilmişdir. Dünya memarlıq tarixinin incilərindən biri olan Notr-Dam Katedralında baş verən yanğında 69 metr hündürlüyündəki mərkəzi zəng qülləsi uçub və damı çöküb.

Mirqəmər Mənsimova