40 ildən sonra İranda ilk dəfə olaraq futbol matçına ən azı 3500 qadın qatılıb

11 Oktyabr 2019 07:59 (UTC+04:00)

2022-ci il Dünya Kubokunun seçmə mərhələsi çərçivəsində İran və Kamboca arasındakı Tehranda keçirilən futbol oyununda 3500-ə yaxın qadın iştirak edib.

SİA "sports.ru" saytına istinadən xəbər verir ki, qarşılaşma Tehranın Azadi Stadionunda keçirilən görüşdə son 40 ildə ilk olaraq oyunu 3500 qadın izləyib.

Qeyd edək ki, görüş İran komandası üçün böyük hesablı qələbə ilə başa çatıb - 14: 0.

Sankt-Peterburqun "Zenit" kulubunun oyunçusu Serdar Azmun görüşdə üç qol vurub.

Təsnifat mərhələsinin C qrupunda İran komandası iki oyunun nəticəsinə görə altı xal qazanaraq birinci yerdə qərarlaşıb.

Xatırladaq ki, İranda 1979-cu il İslam İnqilabından sonra qadınlara kişilərin idman yarışlarına qatılması qadağan edilmişdi.