“Bəhreyn Milli Stadionu”nda Azərbaycan yığmasının Bəhreynə 3:2 hesabı ilə qalib gəldiyi yoldaşlıq oyunundan əvvəl Bəhreyn Futbol Assosiasiyası (BFA) və AFFA nümayəndələri arasında görüş keçirilib.
SİA-nın xəbərinə görə, görüşdə AFFA-nın birinci vitse-prezidenti Rauf Əliyev, İcraiyyə Komitəsinin üzvü İsgəndər Cavadov, baş katib Elxan Məmmədov, BFA-nın vitse-prezidenti Ali Al Buainain və baş katib Ebrahim Al Buainain iştirak edib.
Hər iki qurum arasında qarşılıqlı əməkdaşlıq məsələləri müzakirə olunub, fikir mübadiləsi aparılıb.