Gəncə-Qazax və Şirvan bölgəsinin din xadimləri "İmamzadə ziyarətgah" məscidində Vəhdət namazı qılıblar. SİA-nın verdiyi məlumata görə, Mənəvi Dəyərlərin Təbliği Fondunun təşkilatçılığı ilə Gəncə şəhərində həyata keçirilən “Vəhdət dəyərimizdir” layihəsi çərçivəsində Şamaxı, İsmayıllı, Ağdaş, Göyçay, Şəmkir, Tovuz, Qazax, Ağstafa rayonlarından, Gəncə və Mingəçevir şəhərlərindən olan din xadimləri "İmamzadə ziyarətgah" məscidində birgə namaz qılıblar.