Eddi İsrafilov 90 dəqiqə meydanda olub

19 Sentyabr 2019 01:58 (UTC+04:00)

Futbol üzrə İspaniya 2-ci liqasında 6-cı turun oyunları keçirilib.

SİA xəbər verir ki, Azərbaycan milli komandasının yarımmüdafiəçisi Eddi İsrafilovun formasını geyindiyi “Albasete” də növbəti matçına çıxıb.

Sözügedən klub səfərdə “Hueska” ilə qarşılaşıb. Futbolçumuzun komandası bu oyundan qələbə ilə ayrılıb – 1:0.

İsrafilov da bu oyunun iştirakçısı olub. O, start heyətdə meydana çıxıb və sonadək mübarizə aparıb. Millimizin üzvü 32-ci dəqiqədə sarı vərəqə ilə də cəzalanıb.

“Albasete” hazırda 9 xalla 22 iştirakçı arasında 9-cu pillədə qərarlaşıb.