Fevralın 22-də, saat 19.00-da Kapellhause Alman- Azərbaycan Mədəniyyət Birliyində Bakı Musiqi Akademiyasının "konsertmeystr ustalığı" kafedrasının dosentlərinin tələbələri musiqi axşamları keçirəcək. SİA-nın məlumatına görə, musiqi gecəsində Q. Məmmədyarova, N. İmanova, N. Çanturiyanın tələbələri çıxış edəcəklər.
Vokal- İnstrumental musiqi axşamında konsertmeystrlər: Yevqeniya Məmmədova, Ülviyyə Novruzova, Anar Məmmədov, Dmitriy Babayev olacaq.
Proqramda Mozart, F. Schubert, F. Mendellssohn, R. Schumann, C. Verdinin əsərləri səsləndiriləcək.
Qeyd edək ki, konsertə giriş sərbəstdir.