"Çernomortransneft" şirkəti Dağıstanda Qroznı-Bakı magistral neft kəmərinin yenidənqurma işləri üçün Rusiya dövlət ekologiya ekspertizasının müsbət rəyini alıb. SİA bu barədə şirkətə istinadən məlumat verir.
Qeyd olunur ki, kəmərin rekonstruksiyası "Andreyaulski" respublika əhəmiyyətli xüsusi qorunan ərazisindən keçən hissənin dəyişdirilməsini nəzərdə tutur. Magistral neft kəmərinin işinin səmərəliliyinin artırılması üçün 1684,5 metr uzunluğun köhnə hissənin sökülməsi və 1787,5 metr uzunluğunda yeni hissənin döşənməsi, eləcə də vantuz qovşağının dəyişdirilməsi nəzərdə tutulur.