Akrobatika gimnastlarımız Belçikada güclərini sınayıblar

18 Aprel 2019 14:38 (UTC+04:00)

Belçikanın Purs şəhərində akrobatika gimnastikası üzrə dünya kuboku yarışları yekunlaşıb. SİA-nın məlumatına görə, 18 ölkədən gimnastların iştirak etdiyi yarışda Azərbaycan idmançıları qarışıq və kişi cütlüyü proqramında təmsil olunublar.

Abdulla Əl-Məşayxi və Ruhidil Qurbanlıdan ibarət cütlüyümüz final mərhələsində 21.320 xalla 8-ci yerdə qərarlaşıb. Seymur Cəfərov və Murad Əkpərov cütlüyü isə yarışları 13-cü yerdə bitiriblər.

Dünya kuboku yarışları ilə paralel keçirilən beynəlxalq yarışda qadın üçlüyümüz çıxış edib. Leyla Bəşirova, Nəzrin Fərmanova və Mənsumə Məmmədzadə turnirdə 28-ci yerdə qərarlaşıblar.