Yeni nəsil şəxsiyyət vəsiqələri ilə "Şəxsi kabinet”i necə yaradaq? AÇIQLAMA - ÖZƏL

27 Mart 2019 12:43 (UTC+04:00)

Dövlət İmtahan Mərkəzi buraxılış imtahanlarında iştirak etmək üçün yeni nəsil şəxsiyyət vəsiqələri ilə “Şəxsi kabinet” yaratmaq istəyərkən yaranan anlaşmazlıqlara aydınlıq gətirib. DİM-nin mətbuat xidmətini rəhbəri Xanlar Xanlarov SİA-ya açıqlamasında bildirib ki, yeni nəsil şəxsiyyət vəsiqələri ilə “Şəxsi kabinet” yaradarkən abituriyentlər təlimatları düzgün oxumalıdırlar: “Belə ki, “Şəxsi kabinet” yaradarkən yeni nəsil şəxsiyyət vəsiqəsinə sahib olan şəxslər seriya bölməsini boş saxlamalı, nömrə yerinə isə vəsiqənin nömrəsini (AA0186454) qeyd etməlidirlər. Bəzən abituriyentlər yeni vəsiqələrini əldə edən kimi üzərindən zaman keçməmiş onu sistemə daxil edir və vəsiqə ilə bağlı məlumatların tapılmaması ilə əlaqədar yazı ilə qarşılaşırlar. O zaman abituriyentlər bir neçə saat və ya bir gün gözləməlidirlər ki, vəsiqə sistemə daxil edilsin”.

Xatırladaq ki, tam (11 illik) orta təhsil səviyyəsi üzrə buraxılış imtahanları bölgələrə ayrılaraq aprelin 7, 14, 21 tarixlərində keçiriləcək.

S/s

İmtahan keçiriləcək bölgələr

Buraxılış imtahanlarının keçirilmə tarixləri

Ümumi orta təhsil səviyyəsi üzrə (1-ci mərhələ)

Ümumi orta təhsil səviyyəsi üzrə (2-ci mərhələ)

Tam (11 illik) orta təhsil səviyyəsi üzrə

1

Bakı (Nərimanov, Səbail, Yasamal, Nəsimi, Nizami, Binəqədi,
Sabunçu, Xətai, Suraxanı, Xəzər, Qaradağ, Pirallahı), Naxçıvan MR, Şirvan

03 mart 2019

02 iyun 2019

07 aprel 2019

2

Sumqayıt, Abşeron, Gəncə, Göygöl, Samux, Naftalan, Goranboy,
Daşkəsən, Şəki, Oğuz, Qəbələ, Lənkəran,
Astara, Biləsuvar, Ağsu, Zərdab, Şamaxı, Kürdəmir, Ağdam,
Yevlax, Bərdə, Tərtər, İmişli, Saatlı, Sabirabad, Xaçmaz, Şabran

10 mart 2019

09 iyun 2019

14 aprel 2019

3

Mingəçevir, Şəmkir, Gədəbəy, Ağstafa, Qazax, Tovuz, Balakən,
Zaqatala, Qax, Yardımlı, Cəlilabad, Masallı, Lerik, Göyçay, Ağdaş,
Ucar, İsmayıllı, Qobustan, Ağcabədi, Xocavənd, Füzuli, Beyləqan,
Salyan, Neftçala, Hacıqabul, Qusar, Quba, Siyəzən, Xızı

17 mart 2019

16 iyun 2019

21 aprel 2019

Qeyd 1: Məcburi köçkün rayonlarının məktəblərində təhsilalanlar təhsil müəssisələrinin yerləşdiyi müvafiq şəhər və rayonlarda imtahan verəcəklər.

Qeyd 2: C. Naxçıvanski adına Hərbi lisey (Bakı) və Heydər Əliyev adına Hərbi liseylərdə (Naxçıvan) təhsilalanlar təhsil müəssisələrinin yerləşdiyi müvafiq şəhər və rayonlarla eyni tarixdə imtahan verəcəklər.

Qeyd 3: Tədrisi ingilis və fransız dilində olan məktəblərdə təhsilalanlar müvafiq siniflər üzrə 3-cü imtahan günündə imtahan verəcəklər.