“Qalatasaray” heyətini yeni futbolçu ilə gücləndirməyə hazırlaşır. Türkiyə mətbuatının yazdığına görə, "sarı-qırmızılar" hazırda Çinin “Şanxay Şenxua” klubunda çıxış edən Demba Banı transfer etməyə yaxındır. “Aslanlar”ın 33 yaşlı hücumçu ilə 5 aylıq müqavilə bağlayacağı bildirilib. Fransalı futbolçunun bu müddətdə 1,3 milyon avro qazanacağı da açıqlanıb. Qeyd edək ki, Demba Türkiyənin “Beşiktaş” və “Göztəpə” klublarında da çıxış edib.