Daxili Qoşun əsgərləri Lənkəran şəhər stadionunu mühasirəyə aldı

22 Dekabr 2010 22:47 (UTC+04:00)

Lənkəran şəhər stadionu ilə bağlı həyacanlı xəbərlər yayılıb. SİA-nın məlumatına görə, ötən gün səhər saatlarında stadionu dəyənək və qorunma qalxanları ilə silahlanmış Daxili Qoşun əsgərləri tərəfindən mühasirəyə alındığı və xüsusi öyrədilmiş itlərin köməkliyi ilə tribunalarda axtarış aparıldığı deyilir.
Xəbərə münasibət bildirən "Xəzər Lənkəran"ın vitse-prezidenti Tuyqun Nadirov bunun sıradan bir təlim olduğunu deyib: "Hansısa bir həyacan olmayıb. Bu sıradan bir hadisədir. Ümumiyyətlə, hüquq-mühafizə orqanları mütəmadi olaraq ictimai yerlərdə belə təbdirlər həyata keçirir. Yəni bu hadisə təlim xarakteri daşıyırdı. Narahatçılığa əsas yoxdu".