Prodüser Tarix Əliyev (Tolik) aparıcısı olduğu proqramda əsəblərini cilovlaya bilməyib. SİA-nın məlumatına görə, xalq artisti İlhamə Quliyevanın arxasınca danışanlara, sənətkarın onlara borcu var deyənlərə sərt şəkildə cavab verib: "İlhamə Quliyeva sağ olanda hamınız - arvadlı-kişili ona yaltaqlanırdız, ondan qorxurdunuz. O, gələndə, ayağa dururdunuz. Onun pişiyini də hörmətli tuturdunuz. Amma indi ölünün arxasınca danışırsınız? Oğlu Orxanın toyunun təşkilatçısı mən olmuşam. O toyun pulunu - 15000 manatı Moskvada yaşayan hörmətli bir şəxs vermişdi. İlhamə xanımın heç kimə borcu yoxdur. Ağzınıza gələni danışmayın".