Pakistanın baş naziri Yusif Rza Gilani Türkiyәyә sәfәri çәrçivәsindә baş nazir Rәcәb Tayyib Әrdoğanla görüşüb. SİA-nın "trt"yə istinadən verdiyi xəbərə görə, danışıqlardan sonra başda müdafiә sәnayesi olmaqla bir çox sahәlәrdә әmәkdaşlığı nәzәrdә tutan sәnәdlәr imzalanıb.
TRT vә Pakistan dövlәt televiziyası arasında da verilişlәrin mübadilәsi barәdә razılıq әldә olunub.
Müzakirәlәrdәn sonra hәr iki ölkәnin hökumәt başçısı mәtbuat konfransı keçirib. İsraillә münasibәtlәrә toxunan R.T.Әrdoğan bildirib ki, Mavi Mәrmәrә gәmisinә hücuma görә Tәl-Әviv üzr istәmәsә vә tәzminat ödәmәsә әlaqәlәr bәrpa olunmayacaq.
Türkiyәnin baş naziri Wikileks-lә dә bağlı sualları cavablandırıb. Onun sözlәrinә görə, sayt yenidәn ölkәsi ilә bağlı mәlumatlar yayarsa lazımi addımlar atılacaq.
Qeyd edәk ki, sәfәr çәrçivәsindә Yusif Rza Gilaninin şәrәfinә nahar verilib. Naharda baş nazirin hәyat yoldaşı Әminә Әrdoğan da iştirak edib. Pakistandakı sel fәlakәtindә göstәrdiyi kömәyә görә Әminә Әrdoğana Pakistan Hilali mükafatı tәqdim olunub.