“Parma” Balotelliyə "elçi düşüb"

29 İyul 2018 06:02 (UTC+04:00)

“Nitsa”nın hücumçusu Mario Balotelli yenidən İtaliyaya qayıda bilər. “La Gazetta dello Sport”un yazdığına görə, 28 yaşlı futbolçunu “Parma” transfer etmək istəyir. Yeni mövsümdən A Seriyasında çıxış edəcək klub italiyalı futbolçu üçün Fransa təmsilçisinə 5 milyon avro ödəməyə hazırdır. Qeyd edək ki, İtaliya millisinin sabiq üzvü “Nitsa”da iki mövsümdə 43 qol vurub.