“Güllələnmə təxirə salınır” filminin nüsxəsi Film Fondunun arxivinə daxil edilib- Açıqlama

27 Noyabr 2010 21:16 (UTC+04:00)

Əməkdar incəsənət xadimi, kinorejissor-kinooperator Ələkbər Muradov "Güllələnmə təxirə salınır" filminin nüsxəsini Dövlət Film Fonduna hədiyyə edib. Bu barədə SİA-ya Dövlət Film Fondunun direktoru, əməkdar incəsənət xadimi Cəmil Quliyev açıqlamasında bildirib.

C. Quliyev vurğulyaıb ki, bu film 1996-2000-ci illərdə lentə alınıb.

Filmdə baş rollarda Fuad Poladov, Nəsibə Zeynalova, Məlik Dadaşov və başqa aktyorlar çəkilib.

Fondun direktoru həmçinin qeyd edib ki, Ələkbər Muradov şəxsi arxivindən "O olmasın, bu olsun", "Arşın mal alan", "Qanun naminə" filmlərininin neqativ foto-sənədlərini də Film Fonduna təqdim edib.