Sevil və Sevinc Səfərova bacıları verilişlərin birində qonaq olublar. SİA-nın məlumatına görə, əkizlər həmlarları haqda qalmaqala səbəb olacaq açıqlamalar verib. Belə ki, onlar həmkarlarının mənfi cəhətlərindən danışıblar.
Onlar iddia ediblər ki, Natavan Həbibi özündən razıdır və səmimi deyil: “Bir müddət ailə problemləri ilə bağlı efirə çıxmırdı. Özündən razıdır, səmimi deyil. Bəlkə də, bizimlə münasibəti yoxdur, buna görədir”.
Əkizlər daha sonra Damlanın paxıl bir müğənni olduğunu deyiblər: “İnsanın xeyir və şərinə gələn biri deyil. Bunların ikisinə də getməlisən. Damlanın insan olaraq ən pis cəhəti budur. Xoş günüm olursa, gəlmirsə, deməli, şad günümü görmək istəmir. Damlada qısqanclıq və paxıllıq var. Əslində bu, yaxşı bir şeydir. O hisslər bizdə də var. Belə olmasa məqsəd qoyub qabağa gedə bilmərik”.