Biləsuvar
11 aprel 2018-ci il tarixdə keçiriləcək Azərbaycan Respublikası Prezidenti seçkiləri ilə əlaqədar Yeni Azərbaycan Partiyası Biləsuvar rayon təşkilatı təbliğat-təşviqat kampaniyasını uğurla davam etdirir. Yeni Azərbaycan Partiyasının namizədi cənab İlham Əliyevin təbliğat kampaniyası çərçivəsində növbəti görüş rayon Mədəniyyət mərkəzində Biləsuvar rayonu təhsil işçiləri ilə görüş keçirilib.
Görüşdə çıxış edən Yeni Azərbaycan Partiyası seçki qərargahının Biləsuvar rayon şöbəsinin sədri Kamil Mirzəyev qarşıdan gələn Prezident seçkiləri ilə bağlı məlumat verib. Kamil Mirzəyev Prezidentliyə namizəd cənab İlham Əliyevin seçki proqramı ilə seçiciləri tanış edib.
Natiq qeyd edib ki, 2003-2018-ci illər ərzində cənab İlham Əliyevin ölkə Prezidenti kimi gördüyü titanik işlər Azərbaycanın inkişafına çox böyük təkan vermişdir. Bütün bu illər ərzində Azərbaycan çox böyük uğurlara imza atmışdır. Ölkənin inkişafı, insanların rifahı naminə həyata keçirilən islahatlar Prezidentliyə namizəd cənab İlham Əliyevin seçki proqramının əsas mahiyyətini təşkil edir. Natiq Azərbaycan Respublikasında təhsil işçiləri ilə bağlı olan Dövlət Proqramlarından, onların həyata keçirilməsindən təhsil işçilərinə göstərilən dövlət qayğısından ətraflı məlumat verdi. Natiq əminliklə bildirib ki, Biləsuvar rayonunun çoxsaylı təhsil işçiləri 11 aprel 2018-ci il tarixdə keçiriləcək Prezident seçkilərində Yeni Azərbaycan Partiyasının namizədi cənab İlham Əliyevə səs verəcəklər.
Tədbirdə Azərbaycan Dillər Universitetinin müəllimi, filologiya elmləri doktoru, Professor Fikrət Cahangirov çıxış edərək bildirib ki, 2003-cü ildən keçən müddət ərzindən ölkə Prezidenti cənab İlham Əliyevin həyata keçirdiyi sosial islahatlar nəticəsində təsil, səhiyyə, mədəniyyət və idman sahəsində çox böyük uğurlara imza atılmışdır. Azərbaycan bu gün bütün dünyada multukultural və tolerant mərkəzinə çevrilmişdir.
Natiq bütün təhsil işçilərini 11 aprel 2018-ci il tarixdə keçiriləcək Prezident seçkilərində Yeni Azərbaycan Partiyasının namizədi cənab İlham Əliyevə səs verməyə çağırıb.
Gürüşdə çıxış edən Milli Məclisin Deputatı, Milli Məclisin Təbii Ehtiyatlar, Energetika və Ekologiya Komitəsinin üvü Mirkazım Kazımov bildirib ki, ölkə Prezidenti cənab İlham Əliyevin hakimiyyəti illərində Azərbaycan nəinki Zaqafqaziya regionunda eyni zamanda MDB məkanında lider dövlətə çevrilmişdir. Azərbaycan dövləti öz inkişaf tempinə görə bir çox böyük dövlətləri geridə qoymuşdur. Azərbaycan müdafiə qabilliyəti möhkəmlənmiş və Azərbaycan ordusu regionda ən qüdrətli orduya çevrilmişdir. Azərbaycanın dinamik inkişafı, iqtisadi islahatların uğurla həyata keçirilməsi, həyata keçirilən daxili və xarici siyasət onu deməyə əsas verir ki, Azərbaycan Dövləti tez bir zamanda işğal altında olan torpaqlarımızı erməni faşistlərindən azad edəcəkdir. Natiq bütün seçiciləri Yeni Azərbaycan Partiyasının namizədi cənab İlham Əliyevə səs verməyə dəvət etdi.
Çıxış edən təhsil işçiləri bildiriblər ki, 11 aprel 2018-ci il tarixdə keçiriləcək seçkilərdə Biləsuvar rayonunun təhsil işçiləri bir nəfər kimi Yeni Azərbaycan Partiyasının namizədi, ölkə Prezidenti cənab İlham Əliyevə səs verəcəkdir.
Şabran
YAP Şabran rayon təşkilatının təbliğat qrupu rayonun Zeyvə və Qorğan kənd seçiciləri ilə görüş keçirib.
Görüşlərdə Zeyvə kəndində 100 nəfər, Qorğan kəndində 80 nəfər iştirak edib. Təbliğat qrupunun üzvləri YAP Şabran rayon təşkilatının sədri Mehdi Balabəyov, YAP Şabran rayon təşkilatının Şura üzvüləri Tofiq Əmrahov və Seymur Qədəşov iştirak edib.
