ABŞ-ın Miçiqan ştatında avtomagistralda 60-a yaxın nəqliyyat vasitəsi toqquşub. APA-nın RİA Novosti agentliyinə istinadən verdiyi xəbərə görə, hadisə nəticəsində xəsarət alanlar var, 3 nəfər xəstəxanaya yerləşdirilib. Onların həyatlarına təhlükə olmadığı bildirilir.
Qəzaya güclü qar və yolun buz bağlaması səbəb olub. Hadisə yerinə polis və xilasedicilər cəlb edilib.