Yeni Azərbaycan Partiyasının (YAP) yaradılmasının 25 illiyi münasibətilə YAP Qubadlı rayon təşkilatı “700 min ağac əkək” kampaniyası çərçivəsində növbəti aksiya keçirib.
Partiyanın rayon təşkilatından SİA-ya bildirilib ki, Qubadlı rayonundan olan məcburi köçkünlərin yaşadığı Sumqayıt şəhər 41-ci məhəllədə yerləşən 10 saylı peşə liseyinin və Qubadlı rayon Dəmirçilər kənd tam orta məktəbinin fəaliyyət göstərdiyi ərazinin ətrafında rayon təşkilatının fəalları, ictimaiyyət nümayəndələri tərəfindən 300-dən çox ağac əkilib.