Azərbaycandan Türkiyəyə hərəkət edən sərnişin avtobusu Gürcüstanın şərq hissəsində olarkən yanıb. SİA-nın məlumatına görə, bu barədə Gürcüstanın İctimai Televiziyası xəbər yayıb.
Avtobusda 50 sərnişin - müxtəlif ölkələrin, o cümlədən Rusiya vətəndaşları olub.
Bazar ertəsinə keçən gecə baş vermiş hadisə zamanı sərnişinlər dərhal avtobusu tərk etdiyindən xəsarət alan olmayıb.
Nəqliyyat vasitəsi tamamilə yanıb.
Qeyd edək ki, fakt araşdırılır.