Papua-Yeni Qvineyanın hakimiyyət orqanları vulkan püskürməsi səbəbindən Kadovar adasının sakinlərini təxliyə ediblər.
SİA-nın xarici mətbuata istinadən verdiyi məlumata görə, eyniadlı vulkanın püskürməsi nəticəsində adada yaşayan 600 nəfər köçürülüb.
Vulkan yanvarın 5-də fəallaşmağa başlayaraq əvvəlcə kül püskürüb. Bazar günü günortaya yaxın vulkanın fəallığı artıb. Vulkanın sonuncu dəfə 40 il bundan əvvəl püskürdüyü bildirilir.