Noyabrın 10-dək ölkə üzrə pambıq qəbulu məntəqələrinə 172 min 245 tondan çox məhsul təhvil verilib.
Dövlət Statistika Komitəsindən SİA-ya verilən məlumata görə, bu məhsulun 1608 tonu ötən iki gündə tədarük olunub.
Xatırladaq ki, 2016-cı ildə, ümumilikdə, 88 min 596 ton pambıq yığılıb.
Bu il ötən illə müqayisədə 2,7 dəfə çox – 136 min 413,2 hektarda çiyid səpilib.
Pambıq tədarükündə Saatlı (23507 ton), Biləsuvar (21118,95 ton), Bərdə (17976,64 ton), Ağcabədi (16391,93 ton) və Sabirabad (15521,76 ton) rayonları irəlidədir.