Moskvada Rusiyanın Bərpa üzrə Dövlət Elmi-Tədqiqat İnstitutunun 60 illik yubileyinə həsr edilmiş “Mədəni irsin konservasiyasında tədqiqatlar” adlı beynəlxalq elmi–metodik konfransda ölkəmiz də təmsil olunub.
SİA-nın məlumatına görə, konfransda Muzey Sərvətləri və Xatirə Əşyalarının Elmi Bərpa Mərkəzinin direktoru Zərifə Məlikovanın məruzəsi dinlənilib.
Tədbirdə İtaliya, Rusiya, Ukrayna, Belarus və digər ölkələrdən olan ali bərpaçı-rəssamlar, alimlər maraqlı məruzə və təqdimatlarla çıxış edərək son elmi nailiyyətlərindən, müasir bərpa üsullarının metodikası və yeni əldə olunmuş texniki avadanlıqlar barədə məlumat veriblər.
Hər il nəşr olunan “Mədəni irsin tədqiqi və konservasiyası” adlı kitabın 3-cü buraxılışında Z.Məlikovanın “Xalça və xalça məmulatlarının bərpa və konservasiyası” adlı məqaləsi də dərc olunub.