ADU-da avstriyalı şairlə “Oxu günü” keçirilib

Bu gün Azərbaycan Dillər Universitetinin (ADU) Alman oxu zalında avstriyalı şair Karl Lubomirski ilə “Oxu günü” keçirilib. ADU-dan SİA-ya verilən məlumata görə, görüşdə Təhsil, Tərcümə və mədəniyyətşünaslıq fakültələrinin tələbə və müəllim heyəti, həmçinin alman dili ilə maraqlanan şəxslər iştirak edib.

Şair iştirakçılara öz həyat və yaradıcılığı barədə məlumat verib, onlara öz aktual, seçilmiş şeirlərindən oxuyub. K.Lubomirski iştirakçıları maraqlandıran sualları cavablandırıb.

Sonda şair iştirakçılara Azərbaycan dilinə tərcümə olunan kitabını hədiyyə edib.