Azərbaycan Avropada 65 yaşınadək olan kişilərin ölüm faizinin daha yüksək olduğu ölkələr sırasına düşüb. SİA-nın xəbərinə görə, bu barədə Dünya Bankının BMT-nin 2017-ci il üzrə əhali sayının tədqiqinə əsaslanan məlumatında bildirilir.
Azərbaycanda kişilər arasında ölüm hallarının təqribən 30 faizi 65 yaşadək olan şəxslərin payına düşür.
Siyahının birinci pilləsində Rusiya qərarlaşıb. Növbəti yerləri Ukrayna, Belarus, Moldova və Litva tutur. Siyahıda həmçinin Gürcüstan, Ermənistan, Bolqarıstan, Macarıstan, Rumıniya və Estoniya var.
Araşdırma 2015 il ərzində ölkələrin rəsmi statistikası və BMT-nin analitikası əsasında qurulur və iki ildən bir dərc olunur. Növbəti statistika 2019-cu ildə açıqlanacaq.