Azərbaycan Xarici İşlər Nazirliyi İspaniyanın Kataloniya bölgəsində keçirilən "müstəqillik referendumu"na münasibət bildirib.
SİA-nın sorğusuna cavab olaraq, XİN-in mətbuat xidmətinin rəhbəri Hikmət Hacıyev deyib ki, Azərbaycan Respublikası İspaniya Krallığının beynəlxalq səviyyədə tanınmış sərhədləri daxilində ərazi bütövlüyü və suverenliyinə hörmət edir: "Biz mövcud vəziyyətin İspaniyanın Konstitusiyası və qanunları əsasında, sülh yolu ilə həllinin tərəfdarıyıq".