“Sumqayıt” yeni mövsüm hazırlıqlarını davam etdirir. Apasport.az saytının məlumatına görə, hazırlıq prosesinin 1-ci mərhələsi çərçivəsində “kimyaçılar” dünən ilk yoxlama görüşünə çıxıb. Rəqib Premyer Liqanın yeni sakini “Səbail” olub. Matçda qalib müəyyənləşməyib. 4 qolun vurulduğu görüşdə tərəflər hərəyə 2 dəfə fərqləniblər. “Sumqayıt”ın heyətində komanda ilə bu gün müqavilə imzalayan Ramin Həsənov dubl edib. Debütantın qollarına isə Emin Mehdiyev və Şirməmməd Məmmədov imza atıb.