İyunun 25-də Mərdəkan Mədəniyyət Sarayında Azərbaycan Televiziyası, “Mədəniyyət” kanalı və Azərbaycan Radiosunun təşkilatçılığı ilə Ramazan bayramına həsr olunmuş konsert keçiriləcək.
SİA-nın məlumatına görə, konsertdə xalq artisti Aftandil İsrafilov, Əməkdar artistlər Gülüstan Əliyeva, Almaz Orucova, Təyyar Bayramov, İlkin Əhmədov, ifaçılar Aytən Məhərrəmova, Vəfa Vəzirova, Hüseyn Məlikov və Aşıq Samirə, həmçinin Azərbaycan Televiziyasının solistləri Mirələm Mirələmov, Kamilə Nəbiyeva, Məmməd Nəcəfov, Almaxanım Əhmədli, Rəvanə Əmiraslanlı, Pərviz Qasımov, “Şirvan” folklor ansamblı və başqaları çıxış edəcək. İfaçıları Əməkdar Artist Sahib Paşazadənin bədii rəhbərliyi ilə “Muğam” instrumental ansamblı müşayiət edəcək.
Konsertə giriş sərbəstdir.