İyunun 12-də Bakıda ikinci Respublika Xalq Teatrları Festivalının final mərasimi təşkil ediləcək. SİA-nın məlumatına görə, Azərbaycan Dövlət Akademik Milli Dram Teatrında gerçəkləşəcək final mərasimində əvvəlcə xalq teatrlarının çıxışlarına münsiflər heyəti tərəfindən baxış keçiriləcək.
İyunun 14-də isə Milli Dram Teatrında təşkil ediləcək bağlanış mərasimində festivalın qalibləri və müxtəlif nominasiyalar üzrə təltif olunan teatrlar mükafatlandırılacaq.
Eyni zamanda, festival çərçivəsində sənət ocağında “Açıq qapı” günləri də tətbiq ediləcək.