FHN və DİN təlim keçirib

5 Aprel 2017 13:17 (UTC+04:00)

"Bakı-2017" IV İslam Həmrəyliyi Oyunlarına hazırlıq tədbirləri çərçivəsində 2017-ci il 5 aprel tarixində Heydər Əliyev adına İdman-Konsert Kompleksində təlim keçirilib. SİA-nın Fövqaladə Hallar Nazirliyinin mətbuat xidmətinə istinadən verdiyi xəbərə görə, təlimə Azərbaycan Respublikası Fövqəladə Hallar və Daxili İşlər nazirliklərinin aidiyyəti qurumları, canlı qüvvə və texnikası cəlb olunub.

İdman yarışları keçiriləcək obyektdə baş verə biləcək hər hansı fövqəladə hadisənin qarşısının operativ alınması məqsədi ilə keçirilən təlimdə yanğın təhlükəsizliyinin təmin olunması, tamaşaçıların təxliyyə olunması, zərərçəkmişlərə ilkin tibbi yardımın göstərilməsi üzrə əməliyyatlar həyata keçirilib.