Pele Leonel Messini dahi saymır!

17 May 2011 15:10 (UTC+04:00)

Dünya futbolunun braziliyalı əfsanəsi Pele yenə argentinalıların \"bostanına daş atıb\". Siasport.az saytı xəbər verir ki, Çilinin \"La Tercera\" qəzetinə müsahibə verən dünya futbolunun canlı əfsanəsi, hazırda dünyanın ən yaxşı futbolçusu olaraq göstərilən \"Barselona\"nın argentinalı futbol ulduzu Leonel Messinin dahi futbolçu kimi təqdim olunmasına qarşı çıxıb. Çili qəzetinin suallarını cavablandıran Pele qeyd edib ki, Mişel Platini, Cohan Kruyff və Alfredo De Stefano L.Messidən daha yaxşı formada olublar və gözəl futbol nümayiş etdiriblər. L.Messinin məhz \"Barselona\"dakı komanda oyununun nəticəsində gözəl futbol nümayiş etdirə bildiyini deyən Pele vurğulayıb ki, onun uzun zaman indiki formasında qalması da sual altındadır.