\"Fənərbaxça\" “Timsahlar”la bacarmadı

Belə getsə İstanbulun "Fənərbaxça" futbol klubu çempionluğu əldən vermiş olacaq. Siasport.az saytı xəbər verir ki, dünən Türkiyə Superliqası çərçivəsində "Şükrü Saracoğlu" stadionunda onu turnir cədvəlində addım-addım izləyən "Bursaspor" klubunu qəbul edən İstanbul təmsilçisi rəqib qapısına qol vurmayınca, çempionluq işini çətinə salıb. "Trabzonspor"un "Konyaspor"u 1:0 hesabı ilə məğlub etməsi, "Fənərbaxça"nın turnir cədvəlinin 2-ci sırasına enməsi ilə müşahidə olunub. İndi "Trabzonspor", İstanbul təmsilçisini düz 2 xal qabaqlayır. İstanbulun başqa bir klubu "Beşiktaş" isə səfərdə "Sivasspor"a 0:1 hesabı ilə məğlub olaraq turnir cədvəlində 7-ci yerə enib. İstanbul nəhəngi "Qalatasaray" isə bu gün axşam yeni mütəxəssisin başçılığı altında səfərdə "Antalyaspor"la qarşılaşacaq. Türkiyə Superliqasında keçirilən bütün qarşılaşmaları diqqətinizə çatdırırıq:


\"Manisaspor\" - \"Gənclərbirliyi\" - 0:3
Qollar: Mixael Yedinak, 32. Sərkan Çalık, 55. Mustafa Pektemek, 57

\"Kayserispor\" - \"Kasımpaşa\" - 1:3
Qollar: Səlim Təbər, 88 - Ersen Martin, 45; 69. Şahin Aygünəş, 81

\"İstanbul BB\" - \"Bucaspor\" - 2:1
Qollar: Pavel Londak, 70-avt. Filip Holoşko, 86 - Abdulkadir Özgen, 65

\"Fənərbaxça\" - \"Bursaspor\" - 0:0