Bu gün NBC Bank Azərbaycan Kubokunun 1/4 final mərhələsinin ilk oyunlarına start verilib. Siasport.az saytı xəbər verir ki, mərhələnin ilk oyununda AZAL "Şəfa" stadionunda "Turan"ı qəbul edib. Qarşılaşmanı Ramil Diniyevin başçılıq etdiyi hakimlər briqadası idarə edib. Oyunda paytaxt təmsilçisi Tovuzluların qapısından 2 cavabsız top keçirib. Qarşılaşmada Qvidas Yuşka və Nuqzar Kvirtiya fərqlənib.