"Bakı"nın futbolçuları həndbol oynadılar

16 Fevral 2011 10:34 (UTC+04:00)
Azərbaycan Premyer Liqasının 21-ci turunun "Turan"la qarşılaşmasına hazırlaşan "Bakı" klubunun dünən axşam məşqi maraqlı səhnələrlə yadda qalıb. Siasport.az saytı xəbər verir ki, baş məşqçi Aleksandr Starkov komandanı 4 qrup halında çalışdırıb. Zədəli futbolçular Ernad Skuliç, Stefan Borbikoni, Aleksandar Soliçdən başqa bütün futbolçular meydana çıxıblar. Əzələsini dartan Rafael Əmirbəyov fərdi məqşlə kifayatlənərkən əsas heyət oyunçuları məşqin ilk hissəsini həndbol oynamaqla keçiriblər. Jaba və Roşanın məşqə qatılması əhval-ruhiyyəni daha da artırıb. Futbolçuların əzmkarlıqla çalışması baş məşqçinin razı salıb. Yerində müdaxilələr edərək tövsiyyələr verən Aleksandr Starkov heyəti əvvəlcə təbii meydanda, ardından isə qum üzərində çalışdırıb.

Futboçuların bir qrupu isə Novruz Əzimovun nəzarətində topla çalışan zaman digər bir qrup İgors Klosovsun rəhbərliyi altında fiziki hərəkətlərin icrası ilə məşğul idi.

Qeyd edək ki, komanda "Turan"la oyunun hazırlıqlarını bu gün 2 məşqlə davam etdirəcək.