Qol güləşi üzrə Bakı şəhər birinciliyi keçirilib

14 Fevral 2011 16:52 (UTC+04:00)
Bakı şəhər Gənclər və İdman Baş İdarəsinin tədbirlər planına müvafiq olaraq "Ağ at" İdman Klubunda gənclər arasında qol güləşi üzrə Bakı şəhər birinciliyi keçirilib. Siasport.az saytı xəbər verir ki, yarışda "Kentavr" İK, "Saleh" İK, "Qol güləşı"İK, "Məhsul"İC komandalarını təmsil edən 62 idmançı mübarizə aparıb. Birincilikdə kişilər 10 çəki üzrə mübarizə aparıblar (50 kq, 55 kq, 60 kq, 65 kq, 70 kq, 75 kq, 80 kq, 90 kq, 100 kq və +100 kq).

Birincilikdə 50 kq çəki dərəcəsində I yerə Nicat Zeynalov, 55 kq çəki dərəcəsində I yerə İlqar Musayev, 60 kq çəki dərəcəsində I yerə Nicat Rəsulov, 65 kq çəki dərəcəsində I yerə Sərxan Babaxanov, 70 kq çəki dərəcəsində I yerə Ənvər Hüseynov, 75 kq çəki dərəcəsində I yerə Zöhrab Məhsimov, 80 kq çəki dərəcəsində I yerə Şahin Vazehi, 90 kq çəki dərəcəsində I yerə Vüsal Cəmilov, 100 kq çəki dərəcəsində I yerə Hatəm Əhmədov, +100 kq çəki dərəcəsində I yerə Şükran Soltanov layiq görülüb.

Yarışda qalib gələn idmançılar Bakı şəhər Gənclər və İdman Baş İdarəsi tərəfindən müvafiq dərəcəli diplomlar və xatirə hədiyyələri ilə mükafatlandırılıblar.