“Şuşa” klubu ilk yoldaşlıq matçında qələbə qazandı

Birinci Divizionda mübarizə aparan "Şuşa" klubu İmişlidə keçirdiyi hazırlıq prosesi çərçivəsində yoldaşlıq matçı keçirib. Siasport.az saytı xəbər verir ki, komanda MKT Arazla qarşılaşıb. Oyunda "Şuşa" klubu qələbə qazanıb. Yeni yaradılmış heyətlə gözəl oyun sərgiləyən "Şuşa" matçda 4 dəfə fərqlənib. Rəqib komanda isə bunun cavabında cəmi 2 qol vura bilib.

"Şuşa"nın yeni transfer etdiyi Hasan Özkan oyunda xüsusi əzimkarlıq göstərib. Matçda vurulan 4 qoldan ikisinə məhz H.Özkan imza atıb. Futbolçunun oyunu həm baş məşqçi, həm də klub rəhbərləri tərəfindən bəyənilib.

Qeyd edək ki, H.Özkan 1986-cı ildə anadan olub. O, "Qazientep Gaski", "Ceyhanspor", "Şırnakspor", "Aydınspor", Yenimilasspor" klublarında forma geyinib.

H.Özkan "Şuşa" klubunda göstərdiyi oyunu ilə Azərbaycan Premyer Liqa klublarının diqqətini çəkəyini bildirib.