Elvin Məmmədov "Qarabağ"dan gedəcək

15 Yanvar 2011 11:44 (UTC+04:00)

Elvin Məmmədov yayda "Qarabağ"ı tərk edəcək. Siasport.az xəbər verir ki, klub rəhbərliyinin futbolçu ilə apardığı danışıqlar nəticəsiz qalıb. Belə ki, "Qarabağ" gənc futbolçuya yeni müqavilə təklif edib. Lakin tərəflər maliyyə məsələlərində razılığa gələ bilməyiblər. Bu səbəbdən də Elvin yayda başa çatacaq müqaviləsini yeniləməyib. Onun mövsüm başa çatandan sonra "Bakı"ya transfer olunacağı gözlənilir.
Xatırladaq ki, Elvin qış transfer pəncərəsi dövründə "Qarabağ"ı tərk edib, "Bakı"ya keçmək istəyirdi. Lakin Ağdam klubu ilə 6 aylıq müqaviləsi olan futbolçunun bu istəyi baş tutmadı.//fanat.az