"Qarabağ"ın futbolçuları cəm halda məşqçiyə hücum etdilər - FOTOSESSİYA

13 Yanvar 2011 10:36 (UTC+04:00)

"Qarabağ" klubu Antalyada hazırlıqlarını davam etdirir. Siasport.az saytı xəbər verir ki, dünən komanda iki məşq keçirib. İlk məşqin planında isə futbolçuların ümumi hazırlığını ölçəcək testin yerinə yetirilməsi var olub. Buna qədər isə komanda yüngül qaçış və müəyyən isidici hərkətləri yerinə yetirib. Ardınca isə 2 qrupa bölünən futbolçular testi yerinə yetirməyə başlayıblar. Belə ki, müəyyənləşdirilmiş 200 metrlik məsafəyə futbolçular siqnala qədər çatmalı və tempi davam etdirməli olublar. Eyni zamanda bu zaman nəbzə də nəzarət edilməsi vacibdir. Bir qrup test yerinə yetirərkən, digər qrup futbolçu isə "kvadrat" oynamaqla testə hazırlaşıblar.

Beləliklə, umumilikdə ən çox qaçan Samir Abasov və Rəşad Sadiqov olub. Testdən sonra məşq davam edib. Bu dəfə futbolçular müəyyənləşdirilmiş tempdə daha 15 dəqiqə qaçıblar. Futbolçular məşq bitən kimi fiziki hazırlıq üzrə məşqçi Çudomir Çakarovdan "intiqam"larını özünəməxsus şəkildə alıblar. Onlar cəm halında Çakarova hücum edərək onu yerə yıxıblar. Bu hərəkət hər kəsin gülüşünə səbəb olub və məşq nikbin şəkildə keçib.