Rusiya 38-ci Beynəlxalq Moskva Film Festivalına hazırlaşır. SİA-nın Rusiya mətbuatına istinadən verdiyi xəbərə görə, festivalın bu il 23-30 iyunda keçirilməsi nəzərdə tutulub.
Festival çərçivəsində yarışacaq filmlər əsas müsabiqə, sənədli filmlər, qısametrajlı filmlər, müsabiqədənkənar nümayiş, Rusiya filmləri proqramları üzrə dəyərləndiriləcək. Əsas müsabiqədə 12-dən, sənədli filmlər proqramında isə 7-dən çox film yarışacaq.
Müsabiqənin münsiflər heyəti tərəfindən ekran əsərlərinə ilkin baxış aprelin 25-dən mayın 1-nə kimi baş tutub.
Qeyd edək ki, Moskva Film Festivalı ilk dəfə 1935-ci ildə keçirilib. Əvvəllər "Sovet Film Festivalı Moskvada" adlanan müsabiqənin münsiflər heyətinin rəhbəri tanınmış sovet rejissoru Sergey Eyzenşteyn olub. Festival rus kino tarixinin klassikasına çevrilən "Çapayev" filminin nümayişi ilə açılırdı.