Çərşənbə günü neftin dünya qiymətləri artmaqda davam edir. SİA xəbər verir ki, bu gün saat 22.23 olan vəziyyətə görə, "Brent" markalı neftin qiyməti 11 noyabr 2015-ci il tarixindən bu yana ilk dəfə olaraq 47 dollara çatıb.
Belə ki, Şimal dənizi neftinin bir barelinin iyun fyuçersləri 3,18% bahalaşaraq 47,03 dollar olub.
Elektron hərraclar zamanı WTI markalı neftin iyun fyuçersləri 3,20% artaraq bir barelə görə 45,45 dollar təşkil edib.