"Gələn il Azərbaycanda müəllimlərin maaşı artırılacaq". SİA-nın məlumatına görə, bu haqda Milli Məclisin Sosial Siyasət komitəsinin iclasında komitə sədri Hadı Rəcəbli məlumat verib.
Onun sözlərinə görə, 2016-cı ildə orta ümumtəhsil məktəblərinin 22 min müəlliminin maaşında artım olacaq. "22 min müəllimin maaşının artırılması üçün 50 milyon vəsait nəzərdə tutulub. Dövlət Sosial Müdafiə Fondunun 2016-cı il büdcəsində sosial sahələrlə bağlı rəqəmlər azaldılmayıb. Bu da büdcəmizin sosialyönümlü olmasına dəlalət edir".
Komitə sədri əlavə edib ki, növbəti il Azərbaycanın 12 regionunda müəllimlərin attestasiya mərkəzi yaradılacaq.