Azərbaycanda keçirilən "Bakı 2015" Birinci Avropa Oyunları möhtəşəm bağlanış mərasimi ilə başa çatdı. SİA-nın xəbərinə görə, Franspress agentliyi Bağlanış Mərasimi ilə bağlı bu cür başlıqlı məqalə yazıb.
"Rəngli xoreoqrafiyalar, heyranedici atəşfəşanlıq Avropa Oyunları üçün ideal sonluq idi" - deyə, məqalədə vurğulanır.
Məqalədə Avropa Olimpiya komitəsinin prezidenti Patrik Hikkinin də fikirlərinə istinad edilib: "Bakı Olimpiya oyunları üçün hazırdır. İnfrastuktura və təşkilatçılıq qabiliyyəti Azərbaycana bu Oyunları keçirmək üçün imkan verir. Avropa Oyunları hər addımda gözləntilərimizə cavab verdi".