Yaşamsız bir torpaq Vətən deyildir
Həyat bəxş edilən torpaq Vətəndir!
Dünyada hər şeydən dəyərli olan
İnsanı yaşadan torpaq Vətəndir!
Kamil insan üçün dünyadı Vətən
Xoşbəxtlikdir olmaq övladı Vətən!
Dar gündə yolunda canindan keçən
İgid ərlərilə Vətəndir,Vətən!
Vətən eşqi ilə döyünən ürək
Vətən naminə də qorunsun gərək
Vətəni əbədi yaşadaq deyə
Yetər ki nəfsə yox, haqqa söykənək!
Haqq yolunda olan Dövlət güclənər
Düşmən qüvvələrə tək sinə gərər!
Ümumxalq birliyin təntənəsində
Millət qalib gələr,Vətən sevinər!
Vətən, dövlət, xalqım – birlikdə canım
Onları mümkünmü təklikdə anım?!
Birgə nəfəs alıb birgə döyünən
Ürək tək varlığım -Azərbaycanım!
Vətənimdir,Vətənimdir, Vətənim!
Həsən Kamiloğlu