İsraildə keçirilən kişilər arasında şahmat üzrə Avropa çempionatında 9-cu turun oyunları başa çatıb. SİA-nın məlumatına görə, yarışda ölkəmizi Rauf Məmmədov, Nicat Abbasov və Vüqar Rəsulov təmsil edirlər.
9-cu turda Rauf Məmmədov italiyalı şahmatçı Daniel Vakotur, Nicat Abasov isə İsveçrə şahmatçısı Riçart Forsterlə xalları yarı bölüb. Vüqar Rəsulov isə Polşa təmsilçisi Robert Kempskiyə məğlub olub.
9 turdan sonra Rauf Məmmədovun 5.5, Nicat Abasov və Vüqar Rəsulovun isə 5 xalı var.
10-cu turda R. Məmmədov Çexiya təmsilçisi Vlastimil Babula, V. Rəsulov rusiyalı Ernesto İnarkiev və N. Abbasov isə ermənistanlı Arman Mikelyanla qarşılaşacaq.
Çempionat İsveçrə sistemi keçirilir və 11 turdan ibarətdir.