Fransadan daha 1 qızıl medal FOTO

2 Fevral 2015 17:18 (UTC+04:00)

Fransada velosiped idmanının trek növü üzrə Beynəlxalq Velosipedçilər İttifaqının (UCİ) 1-ci kateqoriyalı "Fenioux Piste International" turnirinə yekun vurulub. SİA-nın məlumatına görə, yarışın 2-ci günü yığma komandamız növbəti qızıl medalını qazanıb.

İlk yarış günü keyrin növündə bütün rəqiblərini qabaqlamaqla fəxri kürsünün ən yüksək pilləsinə qalxan yığma komandamızın lideri Olqa İsmayılova 200 metr məsafəyə sprint yürüşündə də qarşısıalınmaz olub. Bununla da velosipedçimiz "Fenioux Piste International" turnirində 2-ci qızıl medala yiyələnib.

Digər idmançımız Nicat Niftəliyev isə həm omniumda, həm də sprintdə 9-cu nəticə göstərib.