Ucalıb göylərə qəlbin naləsi
Hanı sevdiyimin o gözəl səsi?
Məni yaşadardı yarın nəfəsi
Bir daha bu qəlbim sevməz bir kəsi
Bu fani dünyada cəfa görmədim
Qəm gördüm dərd gördüm dəva görmədim
Mən səndə bir zərrə vəfa görmədim
Bir daha bu qəlbim sevməz bir kəsi
Bilməzdim qəm kədər nəyə deyillər
Mən səni gözəlim sevənə qədər
Sevməklə ömrümü keçirdim hədər
Bir daha bu qəlbim sevməz bir kəsi
Qasım Quliyev