"Facebook" sosial şəbəkəsi yaxın gələcəkdə "Like" düyməsi də daxil olmaqla, istifadəçilərin kənar saytlarda fəaliyyəti haqqında məlumatlardan istifadə etmək niyyətindədir.
Şirkətin məlumatına görə, əsas məqsəd sosial şəbəkədə reklam tarqetinqini həyata keçirməkdir.
"Like" düyməsi və digər kod elementlərinin köməyi ilə "Facebook" bir çox veb-saytlar və mobil proqramlara inteqrasiya edilmişdir. Bu sosial şəbəkəyə onun istifadəçilərinin əsasən hansı sayta daxil olmaları, proqram yükləmələri və veb-kontentlə maraqlanmaları barədə məlumatları toplamağa imkan verir.
Xarici KİV xəbər verir ki, reklam tarqetinqi üçün saytlarda istifadəçilərin davranışı bir çox internet-şirkətlər tərəfindən izlənilir. Bildirilir ki, istifadəçi reklam üçün öz məlumatlarından istifadədən imtina etmək hüququna da malikdir. Bunu məşhur brauzerlərin əksəriyyətində, həmçinin iOS və Android əməliyyat sistemləri əsasında işləyən mobil telefonların sazlamalarında etmək mümkündür.